ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Casa Grande de Cabanas está á venda a través dun portal inmobiliario por dous con oito millóns de euros. O Concello, aprobou no último pleno, solicitar á Xunta a declaración de ben de interese cultural para este inmoble. A Casa grande de Cabanas ou Pazo dos Riobó acabou de construírse en 1672 por iniciativa do que sería arcebispo de Santiago, Francisco das Seixas Losada, natural de Cabanas e membro dunha familia nobre. Tanto o seu avó como o seu pai foron alcaldes da localidade. Encargoulle a construción ao mestre de obras Toribio de la Vega.
Responde ao estilo barroco dominante nesa época pero ten características peculiares ao pertencer o seu promotor ao ámbito eclesiástico. “Estamos diante dun barroco austero, a fachada é barroca pero carente de exceso de elementos decorativos” explican desde a oficina de turismo. O edificio responde tamén ao clasicismo anterior, propio da primeira metade do século XVII. Consérvanse no interior dous fragmentos de pinturas murais profanas, unha delas recreando a escena do mito de Perseo. Na Casa grande de Cabanas viviu o naturalista ferrolán Vítor López Seoane, un dos naturalistas máis importantes do século XIX, casado cunha descendente da familia. Alí atesourou unha colección que hoxe está dispersa por toda Europa.
Publica o teu comentario agora