“Eu podo pintar de presa, pero na primeira escultura a Mari en 1961 traballei lentamente” afirma o pintor e escultor Antonio López. En 2011, o Museo Thyssen_Bornemisza e o Museo de Belas Artes de Bilbao dedicaronlle exposicións temporais con obras de todas as súas etapas. Unha mostra retrospectiva presentouse na Fundación Catalunya La Pedrera de Barcelona en decembro de 2023 e xaneiro de 2024. 

Antonio López (Tomelloso, Ciudad Real, 1936) representa o movemento realista español da segunda metade do século XX. De produción lenta, meditada e minuciosa a súa obra non admite simplificacións. Con cada pincelada destila o entramado do obxecto ou da paisaxe, ata que consegue plasmar a súa esencia no lenzo. A exposición na Pedrera reúne unha coidada selección dun cento de obras -entre pintura, escultura e debuxo- que permite trazar un percorrido pola traxectoria deste artista ao longo de sete décadas de traballo.

Fotografía Xavi Torrent. Fundación Catalunya La Pedrera