O posto de Queixos de Sillobre foi un dos máis de 70 expositores que participaron este ano. O éxito de vendas foi xeral; tal e como apuntaba o xerente do posto de polbo Porta: «Na Feira de Arzúa, se o tempo acompaña, sempre se sae ben». De feito, a demanda de queixerías volveu superar a oferta dispoñible, deixando a moitas firmas en lista de espera por falta de espazo no recinto. 

Cultura e música para o peche

As actividades complementarias, que incluíron catas e obradoiros, esgotaron axiña o milleiro de prazas convocadas. No apartado musical, a artista local MJ Pérez protagonizou un dos momentos destacados do domingo. Coa serenidade e madurez que caracteriza o seu quinto álbum, Je tiens bon, a solista cautivou o público no Campo da Feira fusionando canción de autora, pop-rock e ritmos latinos. 

Con 51 edicións ás súas costas, a Festa do Queixo consolídase como unha das citas gastronómicas máis veteranas e imprescindibles do calendario galego.