Como tantos outros, o actor estadounidense non quixo que o paso do tempo deixase pegada nel, pero para a súa desgraza, el máis que ninguén é unha desas persoas marcadas pola vida. E nótaselle. Non fai falla que escriba unhas memorias ou lle conceda unha entrevista a Ophra: lévao escrito na faciana. E mira que se debeu inxectar todo o bótox do planeta para tapar as patas de galo, pero o seu resultou ser galo de pelexa. A través desa cara tratada pola tecnoloxía estética agroman igualmente as engurras que tanto expresan malia a inexpresiva parálise. Nunca tanto como en “El Luchador”, o filme dirixido por Darren Aronofsky no que interpreta a unha vella gloria da loita libre atrapada nun ring, a súa vida, no que recibe malleiras constantes. Emítese en La Sexta media hora despois da medianoite.