A participación de investigadores e estudosos engade o rigor científico necesario para afondar noutros aspectos desta represión lingüística que proxecta a súa longa sombra ata os nosos días segundo afirma a concelleira de Normalización, Mari Anxeles Babarro. Unha mostra que poden visitar ata o 30 de maio no Multiusos da Xunqueira. Os paneis que integran esta exposición fan un percorrido por diferentes feitos que se poden englobar dentro dun conxunto de medidas orientadas a reducir o uso do galego no pais. Inclúe referencias e declaracións de recoñecidos membros da cultura galega como Francisco Fernández Del Riego, Isaac Díaz Pardo ou o propio homenaxeado no día das letras galegas deste ano, Ramón Piñeiro. Atopamos tamén declaracións dun veciño da nosa vila, Raimundo Cal, mestre expedientado en 1936 e detido durante a ditadura “aquilo foi unha masacre. Foi horrible, aqueles días, aqueles coches que viñan cargados de mortos, da Concheira, de Amoedo, de Cesantes... pasaban polo medio da rúa deixando un regueiro de sangue e ían ao cemiterio”.