Sen saber por que, Jan intúe que non é tan boa noticia que agora sexan cinco na casa. Os avós Joan e Caterina deixaron Vilaverd e instaláronse con eles no seu piso do barrio de Sant Antoni, en Barcelona. E este cambio alterará o día a día na casa, onde as palabras e os silenzos adquirirán novos matices. Pero Jan e Joan teñen o seu mundo, cheo de paseos, árbores e letras con máis significado do que parece.

Mentres os adultos fan o posible para que todo vaia como sempre, Jan fíxase nos detalles do seu arredor e vainos unindo para entender que pasa. As conversas entre avó e neto, con preguntas sen resposta e respostas sen pregunta, constrúen un mosaico de escenas por onde avanza a relación entre os dous, cuxo fío condutor será a historia dun salgueiro.