Enxeñeiros, botánicos, biólogos, xeólogos ou expertos en climatoloxía fan ciencia ficción e debuxan a cara dun planeta no que, da noite ao día, se extinguise a raza humana, deixando atrás todos os vestixios da súa agresiva civilización. Sumidoiros colapsados que o anegarían todo, estruturas conxeladas, outras derruídas, andazos desatados e outras marabillas serían, prognostican os expertos, os nosos regalos de despedida ao globo terráqueo. E no fondo de todo isto a paranoia dunha extinción repentina que medra a cada esbirro dun cuate en Centroamérica. Siniestro Total xa contou todo isto mellor que eu, e en menos liñas, naquela canción que dicía “pobos do mundo extinguídevos, deixade que continúe a evolución, esterilizade aos vosos fillos, xunto da man cara a extinción”. “La vida sin nosotros” estréase ás doce e vinte en Cuatro.