E o destino estaba xa escrito na propia elección do seu nome; cóntanos Isaac que descubriu hai pouco que un dos significados do seu nome é “o que fará rir”, e a elección non puido ser máis acaída porque os seus espectáculos están cheos de música e humor en galego dirixido, en principio, para o público infantil, logo a realidade demostra que todas as persoas presentes rimos a cachón. 

Non hai contrasentido en afirmar que Peter Punk tómase moi en serio a risa e, sobre todo, ao seu público. Moito traballo na posta en escea, nas propostas e tamén nas mensaxes que se emiten no escenario, tamén as nenas póñense a pensar. Os peques non son parvos e ademais son un público máis esixente que o público adulto.

Peter Punk estará co seu espectáculo “Peor imposible”o martes 9 de xullo na praza do CPS en San Valentín, dentro do Ciclo do Mes da Patria do Concello. Será a partir das 21:00 horas e contará con algunha sorpresa moi interesante.

Imaxe: Charlatana.org