Pedeselán quere recuperar a cultura participativa das festas para que cativos e maiores se poñan a cantar e a bailar. “Na punta do pé” anima a aprender cancións, bailes e xogos do patrimonio tradicional galego, portugués e mirandés, dun xeito divertido e participativo.

A obra, editada en Galicia e mais en Portugal (Pezinhos de lã) por Kalandraka conta coas peculiares ilustracións de João Vaz de Carvalho, un dos artistas plásticos máis prestixiosos do actual panorama artístico portugués.