A banda dá Loba deuse a coñecer na escena musical galega con ‘Bailando as rúas’ (2017), ocupando un espazo non habitual e que conquistaron dende o primeiro momento.

ABDL son Andrea Porto (baixo), Acha Rodríguez (violín), Marcela Porto (percusión), Xiana Lastra (voz) e Iria de Cabo (guitarra), que entrou na formación substituíndo a Inés Mirás.

A lingua, e as mulleres feminismo ocupa un lugar fundamental dos valores destas bravas mulleres que lles prestan a súa voz e a súa música a tantas mulleres de moitos xeitos.

Liberdade creativa en todo momento que lles permite abrise a todos os estilos musicais mesturando pop, blues, folk, rock, sons tradicionais... bachata. “Non temos cancelas”, afirman as “lobas” e esa liberdade permítelles “tecer”cancións de moitas maneiras e iso quéreno conservar porque tamén saben que iso é o que esperan quen as escoitan.

A poesía, a escrita das mulleres está sempre presente nos seus traballos, e as “lobas” achéganse a elas con respecto e complicidade, tanto coas escritoras actuais a quen implican directamente neste achegamento; como coas que xa non están, pero teñen unha presenza tan actual e contundente como a “eterna” Rosalía.

Lovismo, o seu último traballo musical xa está na rúa e non defrauda en ningunha das pezas que contén. A banda está a presentalo nos escenarios e esta será a principal actividade deste ano das lobas.

Dou encomenzo pensando; 

despois, gustoulle pensar; 

e deste gusto ó deseio a toda presa se vai. 

E decote descendendo, 

descendendo sin parar, 

desde o deseio ó pecado a toda presa se vai. 

Este Pelouro que roda, que Rosalía de Castro incluíu no seu poemario Follas Novas en 1880, é un dos poemas protagonistas deste novo traballo da Banda da Loba; non se pode ser máis actual para falar do desexo e a paixón.