Acaba de apearse no tren da Vila da Igrexa e vai petar á porta de Adolfina. Sentan na cociña e comeza a tirarlle da lingua. Pregúntalle polo que cantaban de novas, como eran os ritmos, os toques, as letras. Todo queda rexistrado na gravadora. E despois no Cancioneiro, no que aparecen os nomes de Adolfina e Rosa, pois a musicóloga suíza foi a primeira en Galicia que citou os nomes das persoas que compartían o seu saber. Elas bótanlle duascentas coplas e un canto de Nadal. 

Un canto de Nadal que escoitaría o neto de Rosa sendo un neno, alleo ao paso de Dorothé pola aldea. E ese neno, Richi Casás, acabou sendo músico e, na súa curiosidade, achegouse á música tradicional que recordaba nos veráns na aldea. E esa historia, emotiva e impresionante, de como Richi deu coa imaxe e coa voz da súa avoa no arquivo fotográfico e sonoro de Dorothé podemos lela no libro Fuliada na Vila que escribiu moito despois e que editou a Central Folque no ano 2020.

Unha produción de Emisoras Municipais Galegas coa colaboración da Deputación da Coruña 

Na imaxen, A Pedreira na súa visita a Sons de Nós (Fotografía: XanXe)