Radio Fene e Radiofusión xa rendiron tributo a Lois Pereiro no pasado mes de agosto. Unha mesa redonda na Asociación Veciñal de Perlío serviu para falar do poeta ao que se lle adican as Letras do 2011. O irmán do escritor e decano do colexio de Xornalistas Xosé Manuel Pereiro honraba a decisión da Academia. Unha institución, que ata o momento era un pouco rancia, poñíase ao par do contemporáneo, segundo sinalou o xornalista.

O 2011 será tamén o ano de Álvaro Cunqueiro. En decembro cumpriranse cen anos do nacemento en Mondoñedo dunha das grandes persoalidades das nosas letras. Cunqueiro é un dos grandes tesouros da literatura galega. O escritor mindoniense definia a Galicia nunha entrevista na Televisión Española como un lugar con moi rica tradición oral pero escasa memoria. Tanto a muralla de Lugo como a catedral de Santiago atribuiense aos mouros. Desa rica tradición oral naceu a galería de persoaxes do seu “Merlín e familia”.