Os gañadores deste IV Campionato de Tirapedras da Galiza Central foron Adrián Rodríguez na categoría infantil e Manuel Taboada na de adultos. As actividades de xogos tradicionais continuarán na vila de Melide este venres coa práctica dun total de catorce modalidades lúdicas tradicionais en diferentes prazas do casco histórico. Como novidade da presente edición, inclúense exhibicións de lanzamento de Peóns (buxainas, trompos) minúsculos, construídos con croias de aceitunas, bugallos ou pinas. Xa na edición de 2009 tivera lugar unha exhibición de lanzamento dun dos peóns máis pequenos do mundo, de pouco máis de 1 centímetro de longo e de apenas 1 gramo de peso. Tamén esperta expectación o I Campionato de lanzamento de bólas (canicas), que pretende contribuír á recuperación do xogo con bólas, entre os cales destacou sempre na Terra de Melide a modalidade coñecida como “gua".

Páxina web da Asociación galega do xogo popular e tradicional:  www.agxpt.org