A cantante María Xosé Silvar Sés realizoulle a pasada semana en Narón unha homenaxe a Ana Kiro. Manifestou Sés que pode gustar ou non  o tipo de música que facía a cantante natural de Arzúa. Pero o que é indiscutible é que soubo reivindicar con dignidade o papel da muller nos escenarios. E tamén reclamou respecto para a lingua galega en momentos especialmente difíciles. A vindeira semana cumpriría 75 anos.