Accidente en Begonte dun camión con 25.000 litros de combustible

Accidente en Begonte dun camión con 25.000 litros de combustible

01 de Setembro, 2010 - 12:00 h. | Publicada por Radio Eume

Un camión cargado con 25.000 litros de combustible envorcou na autoestrada A Coruña Madrid ao seu paso pola localidade lucense de Begonte, caendo sobre a superficie dunha área de servizo, polo que non existe risco de contaminación pola carga.

Segundo informaron fontes da Central de Emerxencias 112-Galicia, o suceso ocorreu sobre as 8.15 horas no quilómetro 528 da autovía en dirección a Madrid, cando un camión que circulaba pola vía envorcou e caeu no terreo dunha área de servizo. Aínda que o condutor saíu polo seu propio pé e se atopa  leve, o accidente provocou unha perda na carga do camión, que se compuña de 16.000 litros de gasóleo e 9.000 litros de gasolina.  Ao lugar do suceso desprazáronse efectivos do 061, Garda Civil, Bombeiros de Lugo e Grumir de Begonte, e foron alertadas tanto a Consellería de Medio Ambiente como a Confederación Hidrográfica pola proximidade dun río, aínda que o combustible está "contido no chan" e, en principio, "non hai ningún risco de contaminación".

Sociedade