Os ecosistemas terrestres son vitais para o sostemento da vida humana, contribúen a máis da metade do PIB mundial e inclúen diversos valores culturais, espirituais e económicos.

A expansión agrícola é o motor directo de case o 90 % da deforestación mundial. Esta cifra garda relación directa cos nosos sistemas alimentarios, porque é o noso consumo o que determina os usos agrícolas das terras e a súa adicación a producións extensivas.

Os bosques cobren case o 31 % da superficie do noso planeta e deberiamos coidalos porque albergan máis do 80 % de todas as especies terrestres de animais, plantas e insectos. Pero lonxe diso, a deterioración da biodiversidade está a producirse a un ritmo máis rápido agora que en calquera outro momento da historia da humanidade.

Ademais, a perda dos bosques implica a desaparición dos medios de subsistencia das comunidades rurais, o aumento das emisións de carbono, a deterioración da biodiversidade e a degradación do chan e, directamente relacionado coa actividade humana sobre o medio ambiente é a extinción de especies. E isto ten un efecto irreversible.

Para cumprir o Obxectivo 15, é esencial un cambio fundamental na relación da humanidade coa natureza, e tomar conciencia de que a natureza é a base da nosa vida na Terra.

Empeza por ti é un programa das Emisoras Municipais Galegas, realizado coa axuda da Deputación da Coruña.

Fotografía Xan Xe