Actividades como o ioga poden axudar a mellorar a calidade de vida dos doentes de cancro. A Asociación Galega de Trasplantados de Médula Ósea ofrece un programa de oncoioga moi demandado. A entidade ofrece a pacientes e familiares acompañamento emocional presencial ou telemático, desde o momento que da diagnose de cancro. “Para nós é moi importante traballar coas familias, sempre dicimos que é unha doenza familiar”, sinala Ivana Iglesias. Dispoñen de vivendas en Santiago e A Coruña próximas aos hospitais que facilitan quen precisa desprazarse para coidar aos seus familiares enfermos. O equipo de Asotrame conta con unha traballadora social que acompaña na realización de trámites e acaban de por en marcha un Espazo de pacientes. Unha páxina web na que realizan encontros virtuais con profesionais que se dedican a área oncolóxica que facilitan información veraz e de utilidade en temas como, por exemplo, nutrición.