“Un pequeno refuxio para as familias con nenos e nenas de 0 a 3 anos”, así describe o proxecto Fernando Sueiro. Este espazo familiar entrou en en funcionamento no mes de febreiro, pero a idea leva pensándose desde hai anos. O proxecto está pensado para 36 familias. Funciona de luns a sábados con grupos de ata seis familias cada día e conta con materiais adaptados aos distintos momentos madurativos de cada neno, nun complexo que “nos permite estar nun ámbito natural que potencia moitísimo as capacidades dos nenos e dá un remanso de paz e tranquilidade ás familias, nun contexto seguro onde o neno pode desprazarse con moita liberdade”. As persoas interesadas poden acceder a máis información na páxina web accionbuxaina.org.