Galicia acumula o 7% do total de emisións de óxidos de nitróxeno do Estado, con catro focos principais: a central térmica das Pontes, a refinería de Repsol na Coruña, a factoría de Alúmina en Cervo, e un centro de procesado avícola de Coren en Ourense. A organización ecoloxista alerta contra a “casual desaparición de determinados datos” que impiden á cidadanía tomar medidas para minimizar os riscos de exposicións a estas substancias. Ademais, ADEGA critica que non hai coñecemento das medicións da rede industrial e da contaminación asociada á súa actividade e ao tráfico.