Adeus ás vacacións en paz

Adeus ás vacacións en paz
26 de Agosto, 2022 - 01:44 h. | Publicada por Radio Fene

Emotiva despedida ás nenas e ao neno saharaui que gozaron do verán en Galicia grazas á solidariedade de cinco familias da comarca. A despedida oficial tivo lugar no Concello de Fene, onde se xuntaron as catro nenas e un neno que estiveron acollidos este verán en Fene, Ares, Mugardos, Miño e San Sadurniño.

Casa do Concello de Fene. 26 de agosto de 2022

Este ano, o primeiro tralo parentese obrigado pola pandemia, foron cinco as familias destes concellos que acolleron aos cativos saharauís dentro do programa Vacacións en paz. A concelleira de Servizos Sociais de Fene, Mari Carmen Martínez, explica que a solidariedade cos nenos e nenas saharauís segue viva, aínda que a pandemia e a situación económica afectaron nos últimos anos ao programa de acollida, que este ano, ademais atrasou a chegada dos cativos por problemas burocráticos. A estadía acurtouse así a mes e medio. Teñen previsto o regreso para o día 4 de setembro. Na emotiva despedida institucional, os cativos recibiron agasallos do Concello de Fene para que leven de volta á casa produtos de primeira necesidade como xel, xampú ou máscaras sanitarias.

 

Sociedade

Publica o teu comentario agora