Nunca antes actuara Carlangas en Fene, si en Ferrol. Mañá, sábado, reunirase, por fin, co público fenés no Círculo de Perlío, dentro da programación do Perla Mural Fest. Despois de Fene actuará no Gaiás, en Santiago de Compostela, onde medrou o músico nacido en Monterroso que subiu aos escenarios cando estudaba Xornalismo na Universidade Complutense de Madrid e xa nunca deixou a música, aínda que fai tamén algúns traballos nos medios de comunicación. “Eran moito máis divertidos os escenarios pero teño unha paixón especial pola radio, o meu achegamento ás ondas é moi estreito, aínda que a miña actividade principal sexan as ondas nunca abandonei ese romanticismo que ten a radio”, explicou. 

Un verán nos escenarios

Carlangas ten por diante un verán cargado de actuacións. Viaxará por España enteira este verán desde o campamento base que ten instalado nas Rías Baixas. Sábado, 27 de xuño, Carlangas no Perla Mural Fest, en Fene. O día 2 de xullo, nos Atardeceres no Gaiás, en Compostela.