Adrián Dopico López recibirá o premio Curuxa. Lucas Sixto Carballeira o Curuxa Nova e Iván Mata Tamallo o premio da categoría Caricatura. Casualmente, todos eles teñen vínculos con Fene ou a comarca. O alcalde, Juventino Trigo, e o concelleiro de Cultura, Justo Ardá, entregarán os galardóns nun acto que comezará ás oito na Casa da Cultura. A entrega dos premios Curuxa do Humor é un dos actos conmemorativos do aniversario do Museo do Humor Xaquín Marín, no que tamén se enmarca o ciclo de monólogos “Novembro, Mes do Humor”, que consta de catro espectáculos para público adulto. Pepo Suevos será o primeiro en presentarse diante do público, co espectáculo titulado “A caída”. A entrada, tanto para a entrega dos Premios Curuxa como os monólogos, será de balde, previa recollida de invitacións cada venres, o mesmo día da función, a partir das 19 horas.