Ese é o nome que a mítica banda Milladoiro escolleu para si. 46 anos colocando pedras en forma de cancións neste milladoiro imaxinario que iniciaba a mítica banda naquel outono de 1978 no que se xuntaron para decidir o nome que habían poñerse e que deron a coñecer por vez primeira un 15 de maio de 1979 no Auditorio dos Salesianos da Coruña.

Persoas fundamentais da música galega teñen pasado pola formación de Milladoiro. A formación actual con Nando Casal, Xosé Ferreirós, Moncho García, Harry C, Manu Conde e Manu Riveiro seguen mantendo o espírito da banda e defendéndoo nos escenarios, porque segundo afirman “subir a un escenario é un acto que aposta pola longa vida dun tipo de música e, cecais, tamén dun tipo de vida. “

Case 50 anos dunha carreira profesional que ten aportado respecto e prestixio á nosa música tradicional nun momento no que era preciso reforzala e defendela, poñela no lugar que lle correspondía, en xusta correspondencia como eles mesmos afirman “á reafirmación e o recoñecemento a una herdanza que permaneceu fértil grazas a mans sen nome”.

Pepe Ferreirós, un dos fundadores da banda acompañounos en Sons de Nós para falármonos destes 46 anos de éxitos e si, tamén e sobre todo, de compromiso co noso.

Imaxes: Milladoiro.gal