Avultada derrota e o pior partido

“A pesar da avultada derrota, as sensacións tras o partido non son malas, porque nos marcaron catro goles a balón parado” indica o adestrador do Barallobre Óscar Varela. A S.D. Barallobre tivo imprecisións cara a portería contraria e fallou un penalti despois do descanso cando o partido estaba 0-2. Na Segunda Galicia de fútbol, en partido xogado no campo do Ramo, Barallobre 0 – 5 Cebarca. 

“Podemos considerar como o peor partido do ano no peor momento posible” apunta o míster do Maniños B Manuel Freire. Non fomos quen de manter ningunha parte con intensidade. “Relaxámonos de máis e cometemos erros infantís”. Maniños B 4 – 5 Cariño. “Aínda temos opcións de poder meternos no grupo dos tres primeiros” sinala Freire. 

O Maniños campión e o Perlío segue vivo

Aínda non se botou o telón á primeira fase da Primeira Galicia de fútbol, e o Cultural Maniños xa se proclamou campión do seu grupo. Participará na segunda fase no grupo de ascenso á Preferente Galicia. “E un premio extraordinario” manifesta o adestrador Pablo Mesa. No partido desta xornada, debutou un xuvenil e o terceiro porteiro Pablo. O Maniños xa non acudiu con mentalidade de competición. Maniños 0 – 6 Eume deportivo.
“Fixemos moi mal partido, estivemos moi imprecisos, malas decisións e non somos quen de achegarnos á portería rival ata o minuto 35” manifesta o adestrador do Perlío Chechu Piñeiro. 
O porteiro do Miño cun gol en propia meta, empatou  o partido, pero nunha contra na metade da segunda parte,volve adiantarse o equipo visitante. Na Primeira Galicia de fútbol. Perlío 1 – 2 Miño.
O Perlío é quinto con 28 puntos e aínda está vivo na competición, “pero entrar no grupo de ascenso está moi difícil, por non dicir imposible”.