A través deste curso o alumnado, repartido en dous niveis, poderá aprender e perfeccionar o galego mediante clases teórico-prácticas centradas na lingua e a literatura, con exercicios de gramática. Tamén se porán en marcha actividades culturais, así como viaxes, visitas e excursións a algúns dos lugares máis representativos de Galicia.

Literatura, música, historia, sociolingüística e cine son algúns dos temas que centran as actividades propostas no curso, nas que o alumnado poderá coñecer de preto as tradicións e os costumes da cultura do país. Por exemplo, en canto á música, poranse en marcha un obradoiro de música tradicional da man de Ultreia, participará o cantautor Leo de Matamá e o organizarase un concerto da Orquestra Nacional do Batallón.