Allariz acolle as Xornadas contra a Violencia de Xénero

Allariz acolle as Xornadas contra a Violencia de Xénero

03 de Novembro, 2009 - 12:00 h. | Publicada por Radio Allariz

O Concello de Allariz, a través da área de Benestar Social, desenvolverá entre os días 10 e 30 de novembro as Xornadas contra a Violencia de Xénero. O Fogar do Maior acollerá durante 20 días a programación adicada a sensibilizar á poboación contra a violencia de xénero con obradoiros, charlas, teat

Obradoiros para mulleres como “Hábitos de vida saudable” ou “Musicoterapia”, e tamén para homes “para entendernos mellor...habilidades sociais e novas masculinidades” sucederanse entre os días 18 e 20 de novembro no Fogar dos Maiores.

O mércores 25, Día Internacional da Eliminación da Violencia contra a muller procederase, na Praza Maior, á lectura dun manifesto en contra da violencia machista. Asimesmo, Irene Álvarez Del Real ofrecerá unha charla obradoiro “O que e o por que da violencia de xénero”

O día 27 as Xornadas trasladarase á Casa de Cultura onde os espectadores asistirán á representación teatral da obra “Os soños de Walla” que versará sobre o dereito á educación, loita contra a discriminación e a pobreza.

Para pechar esta programación adicada á erradicación da violencia de xénero, o día 30 ás 19.30h presentarase o II Plan de Igualdade para o Concello de Allariz.

Para participar nalgún dos obradoiros é preciso inscribirse no Fogar dos Maiores no teléfono do Fogar dos Maiores 988 55 40 59 ou no correo electrónico igualdade@allariz.com.

Sociedade
  • 143 lecturas