O Club de Lectura de Cáprica botará andar neste mes de abril. As persoas que se sumen á iniciativa leran un libro cada mes e reuniranse semanalmente para comentalo. Haberá dous grupos. Un reunirase os martes pola mañá, entre as 11.30 e as 12.30 e outro os xoves de 17 a 18 horas. A tenda especializada en novela gráfica e xogos ábrese así ao mundo da literatura.

Recomendacións

A edición galega do libro de banda deseñada “O corpo de Cristo”, co que a coruñesa Bea Lema gañou o Premio Nacional do Cómic 2024 é a primeira recomendación que fixo esta semana Juanma Sánchez en Radio Fene. Tamén aconsella o libro “¿Por que tengo que ver esta película?”, unha escolla de películas recomendadas polo crítico Alejandro G. Calvo .