Andrade-Tae organiza unha carreira para o sábado

Andrade-Tae organiza unha carreira para o sábado

21 de Maio, 2009 - 12:00 h. | Publicada por Radio Lugo

A Asociación Cultural, recreativa e deportiva Andrade-Tae de Vilalba organiza, para o vindeiro domingo, unha andaina e unha carreira ao santuario da Virxe dos Milagros, coincidindo co día grande da peregrinaxe a esta capela. O percorrido total será duns 18 quilómetros cun perfil non demasiado esixente e, por tanto, asequible para todos o público.

A saída será desde a árbore da Pravia ás 08.30 horas para os camiñantes, ás 09.30 horas para os atletas que tomen parte na carreira e ás 10.30 horas para os que opten por unha marcha de 5 quilómetros. Aqueles interesados en participar nesta activdiade poden apuntarse nas instalacións do ximnasio Sport-Center de Vilalba.

 

Maratón Solidario

A iniciativa promovida por esta asociación para axudar económicamente á ONG “llamarada de Fuego”, na que participa a vilalbesa María José Carrasco, rematou xuntando unha suma de 10.252,22 euros, que serán destinados a recadar fondos para dotar de auga potable o hospital de Kapiri en Malawi.

Deportes
  • 186 lecturas