Por iniciativa da Biblioteca nenos e nenas de Fene reuniranse o xoves coa Fada Diana. A conta contos Ariadna Santana achegarase ao salón de actos da Casa da Cultura nunha actividade especialmente orientada a público infantil que dará comezo ás seis da tarde. A Biblioteca xa ten en marcha o programa de visitas escolares para que nenos e nenas se familiaricen coa instalación cultural e cos libros. Para público adulto están a organizar unha nova edición do Club de Lectura. O prazo de inscrición xa está aberto. O Club de Lectura botará andar no mes de outubro. A Biblioteca facilita exemplares dos libros que se lerán cada mes. Os encontros nos que se comentan serán tamén mensuais, un mércores de 18.00 a 19.30 horas. A primeira xa ten data, será o día 28 de outubro.