Que pasaría se a sociedade tivese que respondernos ás mulleres cando somos maltratadas, violadas, humilladas...? Se chegamos a un punto en que asumimos que a xustiza que se nos está impartindo non é xusta? A partir destas preguntas xorde a nova novela de Antía Yáñez “O clan das barbies”.Preguntas de vibrante actualidade diante do interrogatorio realizado polo xuiz Adolfo Carretero a actriz Elisa Mouliaá tras a súa denuncia por agresión sexual contra Íñigo Errejón. O Consello Xeral do Poder Xudicial abreulle un expediente ao maxistrado tras numerosas queixas recibidas polas preguntas formuladas. 
A novela de Antía Yañez desenvolvese nun tempo futuro con referencias ao século XXII.  A baixa natalidade é un dos problemas globais. Dúas mulleres e un home atópanse na sala de espera da Clínica Eva. Alma, Carla e An, tres vidas que se entrecruzan. Furia e sororidade para facer fronte á precariedade, a discriminación e ao abuso. Non xustificar a violencia pero si explicar porque é unha opción para persoas que escollen esa vía. O 95% da poboación reclusa en España son homes. Antía Yañez preguntase porque os homes optan mais pola violencia que as mulleres. Os expertos aluden ás diferentes formas de socialización como a causa desas estadísticas. 

Na imaxe, Antía Yáñez no "Club de lectura"

Fotografía Xan Xe