Esta exposición, que permanecerá aberta ata o 10 de xullo, abrangue un período que vai, fundamentalmente, de 1936 a 1950, anos que se corresponden co exilio de Castelao. Integran a mostra gravados, pinturas, caricaturas, textos literarios e de carácter político que poñen de manifesto as múltiples facetas que desenvolveu Castelao, tanto como debuxante, pintor, caricaturista, ilustrador, xornalista, escritor, etc., coma na de político e pensador nacionalista.

Como complemento desta mostra vanse desenvolver unha serie de actividades (visitas guiadas, concertos, proxeccións cinematográficas, obradoiros, etc.). Tamén, coincidindo con esta inauguración, o Museo Provincial de Lugo presenta a súa colección permanente de obras de Castelao, que se pode visitar na sala número 25.