A música correrá a cargo de Xavier Blanco, que é especialista en instrumentos pobres. Ademais, o poeta Isidro Novo lerá rimas populares. A entrada é libre e está organizado pola Asociación de Escritores en Lingua Galega, a Área de Cultura da Deputación de Lugo e a Asociación de Veciños de Cabreiro se o Concellos de Xermade.

Obradoiros na Biblioteca

O programa Letras Vivas da Biblioteca de Xermade organizou, para os próximos 25 e 27 de novembro, dous obradoiros destinados aos mais pequenos da casa.

O primeiro deles, que terá lugar o mércores 25 de novembro contra as 18.00 horas, está destinado a nenos de 4 a 12 anos e servirá para que os cativos aprendan cómo se realizan títeres e marionetas. Os materiais que se empregarán serán sinxelos e de refugallo, como poden ser botellas de plástico, cartóns ou botes de iugures. A continuación, cada pequeno deberá crear a súa propia historia breve para o seu boneco. A inscrición para esta actividade deberase realizar antes do 20 de novembro.

O seguinte dos obradoiros, denominado “Ti contas”, terá lugar o venres 27 ás 18.00 horas e, xunto co escritor e periodista do Progreso, Santiago Jaureguizar, buscarase fomentar a ceratividade literario, confeccionando un conto coa axuda dun limón, unha mazá e un rotulador negro, que cada un dos nenos, de 7 a 14 anos, deberá traer da casa. Aqueles interesados deberanse apuntar antes do 26 de novembro.