Refórzate é un programa educativo que o Concello de Fene ofrece a escolares para axudalos nos estudos. Dez prazas para alumnado de Primaria e outras tantas para Secundaria son as que ofrece cada curso a Area de Benestar. As prazas cóbrense tendo en conta as necesidades detectadas polos centros educativos de Fene. O grupo de Primaria comezou en outubro e o de Secundaria a semana pasada. Este aínda dispón de vacantes. En parte, porque o alumnado dispón de menos tempo libre, pero tamén porque son reacios a asistir ás actividades e as familias déixanse convencer para evitar conflitos. “Se tapamos os ollos non solucionamos o problema e quedarán cada vez máis descolgados da vida académica”, avisa María Xosé por iso recomenda ás persoas interesadas que se poñan en contacto coa orientadora do centro educativo ou directamente cos Servizos Sociais.