O Concello de Fene financia cun total de 23.800 euros as iniciativas de catro entidades CRD Agarimo, a Confraría Santiago Apóstol de Barallobre, a Asociación Perla Mural Fest e a Asociación de Comercio, Hostalería e Servizos “O Cruceiro”. Son subvencións nominativas da Concellería de Promoción Económica que se distribúen así. Dez mil euros están destinados ao programa “Merca en Fene”, promovido por O Cruceiro. Oito mil euros son para apoiar as actividades da Confraría Santiago Apóstol de Barallobre. Tres mil euros destinados a Perla Mural Fest e dous mil oitocentos euros recibirá Agarimo para As lavandeiras de Sillobre. A concelleira de promoción económica, Ángeles Coira, destacou  o compromiso do Concello co tecido asociativo e económico local. “Estes convenios reflicten a nosa aposta por proxectos que non só enriquecen a vida cultural de Fene, senón que tamén teñen un impacto directo no seu desenvolvemento económico e na creación de emprego”.