Aprazado o outlet para a vindeira fin de semana

Aprazado o outlet para a vindeira fin de semana
02 de Marzo, 2024 - 12:31 h. | Publicada por Radio Fene

Por mor da alerta meteorolóxica, o Concello de Fene decidiu cancelar o Outlet previsto para esta fin de semana, trasladándose para o próximo co mesmo programa. O Outlet de Fene empezou a primeiras horas da mañá do venres pero o mal tempo e as alertas de temporal empuxaron a aprazar a iniciativa, despois de consultar cos establecementos participantes.

Fotografia Xan Xe

A  fin de semana do 8,9 e 10 de marzo, o comercio local celebrará a iniciativa que organiza o Concello coa colaboración da Asociación o Cruceiro. Unha vintena de establecementos ofertan importantes descontos nesta iniciativa que se vai prolongar durante toda a xornada do venres e sábado e o domingo entre as dez e media e as dúas. 

Establecementos situados na avenida Marqués de Figueroa, o Cruce de Fene, a Avenida Naturais de Fene, a Rúa do Concello e a Rúa da Fraga participan nesta nova edición do Outlet. Son A Tenda Agasallos, Berline Boutique, Bualá, Calzados Locay, DAma, El Baúl de Bego, Jomer, Kenia, Koralli, Lanas Gena, Lencería Loly Calvo, Lualé 114, Más Sport, Mayka Moda, Mercería e Lencería Costuras, Mundo Mayuka, Pachú, Un Pedacito de Mi, Zapatería Mismores e ZSR Zapatería.

 

Fotografía Xan Xe

Institucional
  • 550 lecturas

Publica o teu comentario agora