A comunidade educativa dos Casais de Maniños estuda os muíños. Sobre eles trata o proxecto co que compiten este ano no Concurso Somos Rural da Federación de Anpas de Galicia. Fixeron un vídeo e seleccionaron dez fotografías para presentar ao concurso. Ademais, realizaron actividades complementarias, como unha visita guiada aos muíños de Xubia ou unha charla de dúas bisavoas. Aprenderon do pasado recollendo información sobre como era a vida e a gran importancia que tiveron os muíños na nosa historia O alumnado dos Casais xa gañou o premio  Somos Rural en dúas ocasións con traballos sobre O Legado Indiano e os Hórreos. O fallo desta cuarta edición coñecerase na gala na que se entregarán os galardóns, o día 29 de maio, ás 17 horas, en Santiago de Compostela.