O Concello de Fene acolleu esta mañá a recepción oficial do alumnado – traballador do Obradoiro Inicia VIII. O acto, presidido polo alcalde de Fene, Juventino Trigo, incluíu a sinatura dos contratos do programa. Durante un ano, 14 mozos e 2 mozas adquirirán formación e experiencia laboral nun sector de alta demanda na comarca. 10 proceden de Fene, 5 de Mugardos e 1 de Ares.

Juventino Trigo, alcalde de Fene, deulles a benvida e destacou que  “Este obradoiro é unha gran oportunidade para a mocidade do noso concello e da comarca, porque lles permitirá obter un certificado de profesionalidade que abre as portas a novos empregos nun sector que está en pleno auxe”. Tamén puxo en valor o compromiso do goberno local coa formación e o emprego, subliñando a alta taxa de inserción laboral que ten este programa. “Varios dos alumnos e alumnas da pasada edición xa asináronos seus primeiros contratos laborais grazas á formación recibida”.