Os programas Erasmus+ BIPs inclúen unha aprendizaxe baseada en desafíos onde os equipos transnacionais de estudantes traballan de forma conxunta para abordar unha serie de retos ou proxectos, neste caso concreto, centrados na responsabilidade territorial das empresas e na xestión sostible das organizacións baixo a titorización, no caso do alumnado da Universidade da Coruña, do coordinador do grao en Relacións Internacionais, Félix Puime.

Co apoio do profesorado das tres universidades participantes, os alumnos e alumnas traballan en equipo de forma colaborativa, combinando un período de traballo en liña xunto cun período de traballo presencial no que todo o estudantado se traslada ao país da universidade organizadora para unha mobilidade curta, normalmente dunha semana de duración.