A unanimidade reinou na moción presentada polo BNG instando á Xunta de Galicia o mantemento das previsións orzamentarias para a execución da variante de Allariz e o Val da Rabeda para o ano 2010. A moción foi aprobada por unanimidade polos tres grupos políticos , xa que segundo apuntaba o alcalde “trátase de dúas actuación estratéxicas para o desenvolvemento económico do concello” O rexedor Francisco García agradecía o respaldo do grupos popular e socialista.

Finalmente, foron presentadas polo Partido Popular varias mocións que foron rexeitadas cos votos do BNG e PSOE contra a subida de impostos do Goberno, sobre o financiamento local e sobre o fondo estatal de investimento municipal.