A voluntaria de Cáritas-Fene, Isabel Senín, explica que a maioría serán postos de artesanía pero tamén de productos de alimentación. Un total de 36 postos con roupa de bebé, pulseiras, bolsos e todo tipo de artesanía.
Os artesáns colaboran con Cáritas coa doación de alimentos non perecedeiros. Senín agradeceu a colaboración de moitas casas comerciais coa feira, na que se celebrarán sorteos ás 10,30 da mañá e ás 6 da tarde, con rifas a cincuenta céntimos. A Academia Fusión de Fene fará unha exhibición de baile na praza, ás cinco da tarde.
Corenta familias reciben na actualidade alimentos, roupa e mobles de Cáritas de Fene. A entidade iniciou no mes de maio unha nova campaña de recollida de alimentos e de donativos porque escaseaban os fondos.