Ailén Kendelman é unha artista total. No espectáculo “Unha señora orquestra” fai música, humor e canta. Por se fora pouco tamén toca varios instrumentos diferentes a un tempo. “Acciono diferentes instrumentos co meu corpo, por diante teño un acordeón e pola parte de atrás un bombo, unha caixa e un prato que vou activando con roldanas”, explicou Ailén en Radio Fene. Sobre a dificultade para coordinar tantas cousas á vez di que “estou acostumada a coordinar as miñas extremidades porque son percusionista, pero foi un reto”.

“Unha señora orquestra” estrease en Neda, na Casa da Cultura, ás oito da tarde. Antes houbo dous ensaios con público, en Vigo e Outes, con moi boa resposta “foron xeniais, o público moi entregado”, lembra Ailén.