A Exposición das obras, que estará en Arzúa ata o vindeiro domingo 21 de marzo, inclúe traballos de Julio Lado, María Teresa García, Antonio Ameneiros, David Moledo ou Marta Armada. Percorre, tal e como vén sendo habitual, distintos concellos da provincia e nesta ocasión, a exposición pódese ver en Arzúa, na Capela da Madanela, en horario de 6 a 8 da tarde. A propia Deputación da Coruña vén de anunciar a convocatoria dunha nova edición deste prestixioso premio de artesanía, ao que poden concorrer todos os artesáns que traballen no campo da artesanía galega, tradicional ou contemporánea, tanto a título particular como en colectivos de varios autores. O certame contará coas modalidades de artesanía tradicional e contemporánea, cun premio de 4500 euros en cada unha delas.