Trala visita ao edificio, o alcalde, Manuel Regos, recibiu aos escolares no salón de plenos onde respondeu a todas as preguntas dos pequenos sobre a súa función como alcalde, así como lles entregou un agasallo con información sobre o municipio. Ademais o primeiro edil animou aos rapaces e rapazas ordenses a que nun futuro “sexades vós os que esteades aqui sentados e desempeñedes esta función que non ten outro obxectivo que velar polos intereses do noso municipio”.

Os alumnos e alumnas de 5º curso do CEIP Castelao mostráronse moi satisfeitos coa visita e agradeceron cun aplauso a boa acollida do alcalde. O acto pechouse cunha foto de familia dos escolares, os seus mestres, a concelleira de Educación, Silvia Marín, e o alcalde, Manuel Regos, na entrada do Concello.