As delegacións reunidas se mostraron de acordo coa decisión do Goberno de levar a cabo un plan de inspección das importacións, aínda que matizaron as súas reservas de que se chegue a cumprir.

No transcurso da reunión acordouse tamén reclamar unha entrevista, para o mes de abril, coa ministra de Medio Ambiente, Medio Rural e Mariño, Elena Espinosa, ademais dun encontro en Compostela de todas as organizacións agrarias de España.

Na análise da situación, todos os delegados coincidiron en diagnosticar que o actual camiño so leva “á ruína”, nun escenario no que “os gandeiros se atopan altamente endebedados tras modernizar as súas explotacións, comprar dereitos de cota para poder producir e ter que vender por debaixo do custe de produción”.