ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
En Barcelona os edificios novos terán que reciclar a auga da ducha para as cisternas. Esa medida pode parecer innecesaria en Galicia. Pero aquí tamén padecemos a crise hídrica segundo os expertos. Propoñémosvos, neste episodio de “Empeza por ti·, un achegamento ao mundo da auga. Con especial atención ao saneamento e a calidade das augas das nosas rías, unha reivindicación histórica que cobra máis sentido que nunca nos momentos actuais.
Escoitamos neste podcast ao catedrático Xosé Lois Otero, pertencente ao Departamento de Edafoloxía e Química Agrícola da Escola Politécnica Superior de Enxeñería. Otero é tamén o coordinador da Rede de Estacións Biolóxicas da USC, unha rede que favorece o acceso axeitado dos membros da comunidade científica e estudantes aos sistemas terrestres, acuáticos e mariños e presta apoio á docencia na formación de novos investigadores.
Dende ese privilexiado lugar de observación e análise, Otero advirte dos enormes problemas da calidade da auga, temos auga pero a súa calidade está empeorando dun xeito alarmante, facendo que, nalgunha ocasión, como ten acontecido na zona de Ferrol, non se pode subministrar á poboación por que non ten calidade suficiente a pesar de que no encoro das Forcadas si hai auga. Igual de preocupante é a situación que producen os plásticos os plásticos que chegan aos nosos mares; un problema que, lonxe de ser puntual como a crise puntual dos detectados a finais de 2023 e comezos de 2024, leva acompañándonos dende que os plásticos fixeron a súa entrada na vida moderna.
Un problema tan grande como as cinco illas de plástico flotante que existen nos nosos océanos e ameazan con erradicar boa parte da vida mariña e precipitan o cambio climático. Non aparecen rexistradas en ningún mapa, pero algunhas destas manchas de lixo —como a do Pacífico Norte— teñen un tamaño equivalente a Francia, España e Alemaña xuntas. A Axenda 2030 focaliza 17 obxectivos de desenvolvemento sustentable imprescindibles para garantir o futuro do planeta, e a meirande parte deles teñen esencia e presencia nas nosas rías; saneamento, calidade do auga, vida mariña, industria, tecnoloxía e moitos outros, precisan de accións directas para acadar os obxectivos propostos. Non podemos permitir o maltrato aos océanos porque son os auténticos pulmóns do planeta, neles prodúcese o 50% do osíxeno que respiramos. Empeza por ti é un programa das Emisoras Municipais Galegas, realizado coa axuda da Deputación da Coruña.
Fotografía: XanXe
Publica o teu comentario agora