ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Fiel a súa cita con Vinis Terrae, “Salón dos Viños e Licores Galegos de Calidade”, o Consello Regulador das Denominacións Xeográficas Augardentes e Licores Tradicionais asiste cun stand propio á cuarta edición desta feira exclusivamente profesional adicada ao sector vinívinícola. O evento celébrase hoxe e mañá no recinto feiral Expourense.
O Consello Regulador contará cun stand propio no que ofrecerá información dos destilados amparados baixo este selo de calidade. A presenza del CRDDGG nesta feria tamén incluirá dúas presentacións de produto. Desenvolveranse, nas dúas xornadas, ás 13.50 horas, a cargo da secretaria do Consello Regulador, Carmen Otero.
“O obxectivo destas presentacións é ofrecer información de aqueles produtos que están amparados baixo o Consello Regulador: augardente de oruxo, envexecida, aguardente de herbas, licor de herbas e licor café, solventando as dúbidas que poidan xurdir”, explica a secretaria. Ademais destacou que o sector necesita apostar por produtos que pasaran polos debidos controis que garanticen a súa calidade e procedencia.
Punto de encontro indispensable entre os bodegueiros españois e os seus distribuidores nacionais e internacionais, a 4ª edición de VinisTerrae conta con 70 expositores, procedentes de 15 países entre os que se atopan Alemaña, Bélxica, Brasil, México, China, Polonia, Dinamarca, Reino Unido, Finlandia, Holanda, Portugal, Suecia, Suíza e axentes que traballan no mercado asiático. A feira pretende converterse nunha ferramenta de internacionalización ao servizo das pequenas e medianas empresas galegas. A organización prevé que visiten este salón compradores nacionais, maioristas e distribuidores procedentes de todos os puntos de España.