Nesta novidosa Aula Aberta acollerase a representación do espectáculo “Cachai”, a cargo da compañía El teatro del buscavidas. Unha obra  protagonizada por Adán Rodríguez, David Gómez-Bendito e Juanjo del Rey e dirixida por Pepe de Jiménez. As funcións realizaranse ás nove da mañá e ás 12 do mediodía e irán precedidas dunha presentación e seguidas dun debate sobre o seu contido.  

Cachai baseáse  nun feito real. Plantexa a peripecia de subsistencia de dous mozos obrigados a vivir por espazo de dous anos dentro do nicho dun cemiterio. Un espectáculo cargado de mensaxes, unha viaxe ás zonas máis escuras da historia latinoamericana para desentrañar desde as súas vísceras a experiencia da dor ante a morte e a posterior orfandade  e indixencia. 

“Cachai” nace en Chile, nun dos seus barrios máis pobres e representa unha metáfora, reflíctese a situación mundial, no que se invita á reflexión sobre os diferentes modos de violación dos dereitos humanos como as torturas ou o exilio.