Avanzan a bo ritmo as obras da nova ETAP de Allariz

Avanzan a bo ritmo as obras da nova ETAP de Allariz

02 de Xuño, 2009 - 12:00 h. | Publicada por Radio Allariz

As obras de construción da nova Estación de Tratamento de Auga Potable (ETAP) de Allariz avanzan de xeito positivo, segundo asegurou o alcalde da vila, Francisco García. Esta intervención suporá un salto cualitativo importante no servicio de abastecemento de auga garantindo a cobertura a toda a poboación, que na actualidade está a experimentar un crecemento considerab

Cun orzamento de 3.500.000€ financiados pola Xunta de Galicia mais o Concello de Allariz, que aporta un 10% deste importe, estase a levar a cabo a construción deste novo depósito. Situado en Roimelo, conta cunha capacidade de 2000 m3 fronte aos 800 m3 actuais, suporá unha mellora importante no abastecemento da rede xeral para toda a vila alaricana e os seus núcleos de poboación, xa que permitirá unha maior capacidade de bombeo do río Arnoia co que se garante a posibilidade de subministro a todo o municipio, que ano tras ano vai crecendo de xeito considerable.

A instalación da nova ETAP tamén vai permitir a mellora da rede na nova circunvalación aproveitando as obras de apertura do vial da Rúa Emilia Pardo Bazán.

A conclusión desta obra está prevista no transcurso do ano 2009 aínda que, o avance das obras fixo posible que algunha das instalacións poda ser utilizada este verán.

Institucional