Esta intervención constitúe un reto sen precedentes e un exemplo de integración urbana, ao tratarse da primeira obra de humanización que impulsa o Ministerio de Transportes en toda España, segundo indica o executivo nun comunicado. Supón, ademais, un antes e un despois para Ferrol, transformando unha antiga infraestrutura viaria nun espazo con prioridade para os modos de desprazamento sostibles, seguros e conectados.

“A actuación reafirma o compromiso do goberno coa cidade e representa un novo exemplo de que este goberno aposta como nunca polas infraestruturas galegas ao servizo da cidadanía”, sinalou o delegado. A humanización foise poñendo en servizo de forma secuencial, con obxecto de brindar un maior servizo aos cidadáns a medida que se finalizaban os distintos tramos da actuación, minimizando así as afeccións ao tráfico e facilitando unha adquisición progresiva da funcionalidade urbana.

Na  imaxe, celebración do ascenso do Racing de Ferrol á Segunda División do fútbol.

Fotografía Xan Xe