En Avifauna habitan 250 especies diferentes que representan á fauna dos cinco continentes. Todos os exemplares naceron en catividade e chegaron a Lugo dende países da Unión Europea. Os responsables do parque salientan a variedade de animais antes que a súa cantidade, e entre os seus predilectos salientan á pita de monte -tamén coñecida como urogalo-, unha especie en extinción, desaparecida da paisaxe galega.

O recinto de Outeiro de Rei é mais cousas que unha exposición de aves aberta ao público. Funciona tamén como centro de interpretación e formación, aula de natureza e educación ambiental, e colabora en tarefas de conservación e de investigación científica coa Universidade de Santiago. Avifauna abre de martes a domingo, de 11 a 13:30 e de 16 a 19:30 horas.